Noreg tapte opningskampen mot Tyskland

Tyskland blei for sterke for Noreg i den første curlingkampen for dei norske herrane i OL. Noreg starta med å leie etter andre omgang, men dei tyske herrane storspelte i den tredje og kjempa til seg tre poeng. I den tiande og siste omgangen hadde Noreg sistesteinen. Dei låg under 3–4 før den avgjerande omgangen. Noreg fekk eitt poeng i siste omgang, men måtte fått to poeng for å vinne over Tyskland. Tyskland vann til slutt 4–5. – Dei norske gutane spelte overhovud ikkje dårleg, seier ekspert Christoffer Svae etter kampen. – Det er veldig gøy å vere i gang. Tyskland har jo ein liten fordel, fordi dei var i gang i går. Me måtte ut og lære kampforholda i dag. Me var litt rufsete på grunn av det, seier Magnus Ramsfjell til NRK etter kampen. Noreg skal spele sin neste kamp søndag 15. februar. Då møter dei USA.